الحق الكتاب هذا كنت خايفة منو مالأول. برشة عباد كانت تقول لي هو ماكنش في مستوى متاع أسرار عائلية شخلاني خذيتو هدية العيد الصغير ما تشجعت و قريتو كان اليوم. و ما راعني الا الإحساس بالندم لي أنا خليتو يستنا هذا الكل الكتاب على غير شئ المسكين. كتاب ما نجمش نقول عليه اقل من انو خفيف نضيف و يعمل 66 كيف و الحق يقال بالنسبة ليا أنا الكتاب هذا خذا حيز في قلبي أكثر من أسرار عائلية. حبيتو من اول صفحة شخلاني ما نجمتش نصبر عليه و قريتو في جلسة وحدة tellement ما نجمتش نحيه من يدي. شخت على اللغة الزمنية لي تحكي بها كالعادة، شخت على وصفها لأحاسيس الشخصيات لين تحس روحك في بلاصتهم نتفكر روحي فما des passages نضحك عليهم بالدموع و مشيت كلمت صديقي و قريتهملو المقاطع قعد يضحك معايا كيما نتفكر زادا فما des passages خلاوني نبكي لوجيعتهم و معاناتهم قولش عليا انا المعنية بالأمر. كانو فما مقاطع يمسو عروش القلب و يفرهدو عليك زادة تحسو يحكي عليك انت بالذات و يعبر علي بقلبك بالصوت العالي.
ياسر حبيتو و ما نجم نقول لفاتن الفازع كان دمتِ متألقة et surtout دمتِ الأولى دائما و أبدا.