دخلت على الكتاب هذا و أنا كلني أحكام مسبقة: shallow very mainstream literature واحد منهم. أما مؤخرا علمت روحي نخرج مال"ما نقرى كان الأدب الراقي و المتفق عليه". الكتاب هذا ماهوش أدب، هذا كتاب باللغة الدارجة تقراه كاينو خرافة، كاينك في حلڨة متاع نسا في عشوية، الجو الزاهي، و الحكايات و التفدليك، و كل وحدة و شنوة جوها. و أنا نحبهم القعدات هاكم. دونك، كان ناخذو كتبات فاتن الفازع (إلي أنا تغرمت بيها تو) مالمنظور هذا، تنجم تعمل عليه برشا جو و إنتي تقرا فيه. و عملت جو عليه كايني نتفرج في مسلسل. القوة متاع فاتن الفازع (and I stand by this) إنها مالقلاءل إلي حكات عالمعروف و المسكوت عنه في كتبات ناجحين. يمكن فما كليشيات، أما أنا ما لقيتش exagération . لقيت وضعيات مختلفة، في مجتمع ملون، و حكايات قراب للقلب. براف، كان تلوج على شكون يحكيلك حكايات نساءية، و تحب ترتح مخك و تعمل جو على حاجة خفيفة، منك ليه الكتاب!