أنا السنا قررت باش نقرى كتب بالعربية و نحاول قدر المستطاع نقرى لكتاب توانسة. على هاكا خترت كتاب ريحان بوزقندة و من غير ما ناخو حتى فكرة عليه. و صارت المفاجأة! بديتو و ما نجمتش نقص عليه، القصة نساتني في الزمان و المكان و لمدة سوايع عشت مع ياسمين و رحلتها الغريبة ما بين الذاكرة و النسيان. مانيش باش نحكي على محتوى الكتاب، أما الحكاية غامضة، تشدك، تخليك تقرى في الصفحات ورا بعضهم باش تعرف شنوا باش يصير. الكاتبة ابدعت من النواحي الكل!